ფუტკარი და მტრედი

სოციალური პროექტის „ წითელას“ რეფლექსია

                       სოციალური პროექტის „ წითელას“ რეფლექსია

    პროექტის იდეა გაჩნდა იმიტომ, რომ ძალიან არის გავრცელებული „წითელა“.  საქართველოში  ზამთრის პერიოდში დაფიქსირდა  წითელას  335 შემთხვევა.

    ბოლო წლებში, წითელას ეპიდემიოლოგიამ განიცადა მნიშვნელოვანი ცვლილება, რაც გამოიხატა შემთხვევათა შორის უფროსი ასაკის ბავშვებისა და მოზრდილების წილის ზრდაში.  საქართველოშიც, 2004-2005 წლების ეპიდემიიდან მოყოლებული და 2013 წლის ეპიდემიის პერიოდში წითელას შემთხვევების უმეტესობა დარეგისტრირდა  მოზრდილებში.  დაავადების მოზრდილ ასაკობრივ ჯგუფში „გადანაცვლებამ“ კი წამოჭრა ახალი პრობლემები, როგორიცაა მოზრდილ მოსახლეობაში დაავადების პრევენციისა და ეპიდემიურ აფეთქებაზე საპასუხო ღონისძიებების გატარების სირთულე, აგრეთვე დაავადების უფრო მძიმე მიმდინარეობა და გართულებების მაღალი რისკი.

   2016-2017წლების მონაცემებით წითელას შემთხვევების მატება დაფიქსირდა ჯანმრთელობის მსოფლიო ორგანიზაციის ევროპის რეგიონის რამდენიმე ქვეყანაში - რუმინეთში,  იტალიაში, ავსტრიაში, ტაჯიკეთში, ლიტვასა და ყაზახეთში, მათ შორის საქართველოშიც. 2019 წლის ზამთარში კვლავ  იჩინა თავი წითელას ეპიდემიამ საქართველოში.

  ამიტომ გადავწყვიტე მოსწავლეებთან ერთად განმეხორციელებინა პროექტი „წითელა“. პროექტი  დავიწყეთ მოსამზადებელი ფაზით.   მოსწავლეებს განვუმარტე პროექტის  მიზანი, გავაცანი პროექტებით სწავლების მეთოდის მიმდინარეობა და ის წესები, როგორც უნდა წარიმართოს პროექტი.  წინარე ცოდნის გააქტიურების მიზნით შევავსებინე სქემის „ვიცი, მინდა ვიცოდე, ვისწავლე“  ნაწილები.

    პროექტის განხორცილების დროს მოსწავლეებთან ერთად მივაღწიე დასახულ მიზანს. ყველა აქტივობა წარიმართა გეგმის შესაბამისად. ბავშვები გავანაწილე ჯგუფებად, თითოეულ ჯგუფს დავავალე სხვადასხვა აქტივობა.  ბავშვები ჯგუფებში ხალისით ასრულებდნენ დაკისრებულ მოვალეობას, ერთმანეთს ეხმარებოდნენ. PowerPoint-ში გააკეთეს პრეზენტაცია, გამოუშვეს კედლის გაზეთი.

    მოსწავლეებს განუმტკიცდათ ურთიერთთანამშრომლობის უნარი, ისწავლეს ინფორმაციის მოძიების სხვადასხვა გზები.  პროექტის აქტივობებმა ხელი შეუწყო მოსწავლეთა კრიტიკული და შემოქმედებითი აზროვნების განვითარებას.

   მომავალში ყველა პროექტს დავგეგმავ და განვახორციელებ ე.ს.გ-დან გამომდინარე.

                            მოსწავლის  ჯგუფში მუშაობის შეფასების სქემა

კრიტერიუმები	დიახ	არა
მოსწავლეს შეუძლია მაქსიმალური წვლილი შეიტანოს ჯგუფის მუშაობაში. შეუძლია ჯგუფის სხვა წევრების წინადადებათა მოსმენა, გათვალისწინება და განვითარება.
მოსწავლე უმიზეზოდ არ აცდენს ჯგუფის არცერთ შეხვედრას, კეთილსინდისიერად და დროულად ასრულებს დავალებას.
მოსწავლეს ჯგუფის სხვა წევრებთან პოზიტიური დამოკიდებულება ჰქონდა

 

                                                        რეფლექსია

     მე-3 კლასში ჩავატარე  გაკვეთილი თემაზე: ვლადიმერ ასლამაზიშვილის „პაპა და შვილიშვილი“.  დასაწყისში მოსწავლეებს გავაცანი გაკვეთილის თემა და მიზანი, ასევე შეფასების რუბრიკა.  გაკვეთილის მიზანი იყო ახალი ტექსტის გაცნობა, ტექსტის მიმართ გამოეხატათ საკუთარი დამოკიდებულება, კომპიუტერში შეესრულებინათ  სავარჯიშოები.  აღნიშნული ტექსტი გავაკეთე პროგრამა PowerPoint-ში  და მოსწავლეებს წარვუდგინე ელექტრონული წიგნის სახით. ელექტრონული წიგნი სახელმძღვანელოში მოცემული ტექსტისგან განსხვავდება, მთლიანი შინაარსი წარმოდგენილია ლამაზად გაფორმებული ტექსტებითა და სურათებით, მოძრავი ანიმაციებით. ამის გამო იზრდება მოსწავლეთა ინტერესი შესასწავლი ტექსტის მიმართ. ასევე შეასრულეს სავარჯიშოები https://learningapps.org/display?v=pv68neenc19 -ში  __სასწავლო აპლიკაციებში უნდა შეევსოთ გამოტოვებული სიტყვები,  https://learningapps.org/display?v=p01x62xea19 ___  შეესაბამებინათ  სურათისთვის სიტყვები.  რესურსი სასწავლო პროცესის აუცილებელი კომპონენტია. საინტერესო რესურსი დადებით განწყობას უქმნის მოსწავლეს, განაწყობს პოზიტიურად და სწავლის მოტივაციას ამაღლებს. ჩემს მიერ შექმნილი და გამოყენებული რესურსების შედეგად გაიზარდა მოსწავლეთა ჩართულობა, მოტივაცია და ინტერესი შესასწავლი საკითხების მიმართ. სასწავლო პროცესი გახდა სახალისო და საინტერესო. მოსწავლეებმა უკეთ აღიქვეს და ისწავლეს, რადგან ტექსტი  და ილუსტრაციები ლამაზად არის გაფორმებული, შერწყმულია  მოსწავლეთა ყურადღების კონცენტრირებისათვის.

   ვფიქრობ, ჩემს მიერ ჩატარებულმა გაკვეთილმა ისტ-ის გამოყენებით, დადებითი შედეგი გამოიღო, რადგან მოსწავლეები ძალიან დაინტერესდნენ ამ რესურსების გამოყენებით, განსაკუთრებით https://learningapps.org-ში მუშაობით და სურვილი გამოთქვეს მომავალშიც შეესრულებინათ მსგავსი სავარჯიშოები.

   ვეცდები, მომავალში გაკვეთილები ხშირად ჩავატარო ისტ-ის გამოყენებით, მოსწავლეების ინტერესებზე მორგებული სასწავლო რესურსებით.

გაკვეთილის თემა	„პაპა და შვილიშვილი“,  ვლადიმერ ასლამაზიშვილის მიხედვით
საგანი	ქართული ენა მასწავლებელი ნანი კარელიძე
საფეხური, კლასი	დაწყებითი, მე-3 კლასი
ე. ს. გ.- ს შედეგები, ინდიკატორები	ქართ. დაწყ.(I).2. მოსწავლემ უნდა შეძლოს სტანდარტით განსაზღვრული სხვადასხვა ტიპის ტექსტების მოსმენა, გაგება-გააზრება და გადმოცემა.         მოსწავლე: ·         ამოიცნობს ტექსტის თემას;  ·          ასახელებს ტექსტში ასახულ ფაქტებს, პერსონაჟებს; ·         საკუთარი სიტყვებით, თანამიმდევრულობისა და აზრობრივი შესაბამისობის  დაცვით გადმოსცემს ტექსტის შინაარსს ·         ამოიცნობს ტექსტის შინაარსს სათაურის მიხედვით. ქართ.დაწყ.(I).6. მოსწავლემ უნდა შეძლოს გაწაფულად კითხვა       მოსწავლე: ·         თავისუფლად კითხულობს ნაცნობ და უცნობ სიტყვებს, ცდილობს დაიცვას სათანადო ტემპი; ·          ხმამაღლა, თავისუფლად კითხულობს მასწავლებლის მიერ მითითებულ ეპიზოდს, მცირე ზომის ტექსტებს; ·         ხმამაღლა კითხვისას იცავს პაუზას სასვენ ნიშნებთან. ქართ.დაწყ.(I).13. მოსწავლემ უნდა შეძლოს სტანდარტით განსაზღვრული სხვადასხვა ტიპის მცირე ზომის მარტივი ტექსტების შექმნა ნაცნობ თემატიკაზე სხვადასხვა მიზნით.          მოსწავლე: ·         გადმოსცემს კონკრეტულ ფაქტს/მოვლენას საკუთარი ცხოვრებიდან; ·         ადგენს მარტივ დიალოგებს; ·         თანამიმდევრულობის დაცვით  გადმოსცემს ინფორმაციას; ·         თანამიმდევრულობის დაცვით გადმოსცემს ნაცნობი ტექსტის/ტექსტის ეპიზოდის შინაარსს; ·         თანამიმდევრულად აგებს თხრობას; ·         ცდილობს ახლად შესწავლილი სიტყვების, ფრაზების გამოყენებას (მაგ., საინფორმაციო ტექსტების შედგენისას).
გაკვეთილის მიზნები	მოსწავლემ შეძლოს ტექსტის  შინაარსის გაგება-გააზრება,  პერსონაჟების დახასიათება, მთავარი აზრის გამოყოფა. გამოხატოს ტექსტის მიმართ  თავისი დამოკიდებულება.   შეძლოს ტექსტის ირგვლივ დასმულ კითხვებზე პასუხის გაცემა, საკუთარი აზრის დასაბუთება.     იმუშაოს ბუკში, შეასრულოს კონკრეტული დავალება მასწავლებლის მიერ მითითებულ  საიტზე.
გამოყენებული მეთოდები	ვერბალური ახსნა, კითხვა-პასუხი, დემონსტრირების მეთოდი, შესაბამისობის დადგენა.
წინარე ცოდნა	მოსწავლეს შეუძლია ლიტერატურული ტექსტის კითხვა, გაგება, გააზრება, მითითებული ფრაგმენტის მოძიება, კითხვებზე პასუხის გაცემა, ბუკში მუშაობა.
გაკვეთილის მსვლელობა	აქტივობა 1.  საორგანიზაციო საკითხები: გაკვეთილის მიზნისა და შეფასების რუბრიკის გაცნობა.    2 წთ. აქტივობა 2.  საშინაო დავალების შემოწმება: “დედა ჩიტი“, ილია ჭავჭავაძის მიხედვით, თხრობით.     5წთ. აქტივობა 3.  პრეზენტაციის ჩვენება- 5 წთ. მოსწავლეებს კლასის მართვის პროგრამით ბუკებში ვუჩვენებ ჩემს მიერ მომზადებულ ელექტრონულ წიგნს PowerPoint-ში „პაპა და შვილიშვილი“. მოსწავლეები წაიკითხავენ ტექსტს, უპასუხებენ დასმულ კითხვებს, შეასრულებენ კონკრეტულ დავალებას. აქტივობა 4.  ახალი მასალის განსამტკიცებლად  მოსწავლეებს დავავალებ, ჩემს მიერ გახსნილ საიტზე, ინტერნეტში შეასრულონ დავალებები ჩემს მიერ შექმნილ რესურსში, მივცემ ინსტრუქციას თუ როგორ იმუშაონ: https://learningapps.org/display?v=pv68neenc19 __სასწავლო აპლიკაციებში შესრულებული სავარჯიშო : ‘შეავსეთ გამოტოვებული სიტყვები“ https://learningapps.org/display?v=p01x62xea19 ___  ‘შეუსაბამე სურათს სახელი“    კლასის მართვის პროგრამით დავათვალიებინებ ტექსტთან დაკავშირებით http://www.toondoo.com/MyToondoo.toon--ში  ჩემს მიერ  შექმნილ კომიქსს     ----25 წთ. აქტივობა 5.  გაკვეთილის შეჯამება    2 წთ. რომელი აქტივობა მოგეწონათ ყველაზე მეტად? რა იყო საინტერესო დღევანდელ გაკვეთილზე? აქტივობა 6.  შეფასება    2 წთ.  შევაფასებ მოსწავლეებს განმავითარებელი შეფასებით, მივცემ რჩევებს და კომენტარებს ყველა მოსწავლეს. აქტივობა 8. საშინაო დავალება „პაპა და შვილიშვილი“ თხრობით   1 წთ.
გაკვეთილზე გამოყენებული ელექტრონული (კომპიუტერული) პროგრამები და რესურსები	https://learningapps.org/display?v=pv68neenc19 __სასწავლო აპლიკაციები: შეავსეთ გამოტოვებული სიტყვები https://learningapps.org/display?v=p01x62xea19 ___  შეუსაბამე სურათს სახელი http://www.toondoo.com/MyToondoo.toon___კომიქსი PowerPoint-ში ჩემს მიერ აწყობილი ელექტრონული წიგნი: „პაპა და შვილიშვილი“
შეფასების საგანი (კრიტერიუმები)	მოსწავლე შეფასდება წინასწარ შედგენილი ცხრილის მიხედვით შემდეგი კრიტერიუმებით: ტექსტის კითხვა-ანალიზის მიხედვით, გაკვეთილზე ჩართულობა, ბუკში მუშაობა.
საჭირო რესურსები	ქართული ენის მე-3 კლასის სახელმძღვანელო, ავტორები ნ. გორდელაძე, თ. კუხიანიძე, მასწავლებლის კომპიუტერი,  როუტერი-კლასის მართვის პროგრამა, ბუკი, ინტერნეტი, პროგრამა https://learningapps.org,  http://www.toondoo.com , დაფა, ცარცი, რვეული, კალამი.

    

          

სკოლისაკენ ჰერი, ჰერი

მოსწავლის სავარჯიშო

">

გაკვეთილის გეგმა: ორი ამხანაგი

გაკვეთილის თემა	ორი ამხანაგი,  ეზოპეს იგავი
საგანი	ქართული ენა მასწავლებელი ნანი კარელიძე
საფეხური, კლასი	დაწყებითი, მე-3 კლასი
ე. ს. გ.- ს შედეგები, ინდიკატორები	ქართ. დაწყ.(III).2. მოსწავლემ უნდა შეძლოს სტანდარტით განსაზღვრული სხვადასხვა ტიპის ტექსტების მოსმენა, გაგება-გააზრება და გადმოცემა.         მოსწავლე: ·         ამოიცნობს ტექსტის თემას;  ·          ასახელებს ტექსტში ასახულ ფაქტებს, პერსონაჟებს; ·         საკუთარი სიტყვებით, თანამიმდევრულობისა და აზრობრივი შესაბამისობის  დაცვით გადმოსცემს ტექსტის შინაარსს ·         ამოიცნობს ტექსტის შინაარსს სათაურის მიხედვით. ქართ.დაწყ.(III).6. მოსწავლემ უნდა შეძლოს გაწაფულად კითხვა       მოსწავლე: ·         თავისუფლად კითხულობს ნაცნობ და უცნობ სიტყვებს, ცდილობს დაიცვას სათანადო ტემპი; ·          ხმამაღლა, თავისუფლად კითხულობს მასწავლებლის მიერ მითითებულ ეპიზოდს, მცირე ზომის ტექსტებს; ·         ხმამაღლა კითხვისას იცავს პაუზას სასვენ ნიშნებთან. ქართ.დაწყ.(III).13. მოსწავლემ უნდა შეძლოს სტანდარტით განსაზღვრული სხვადასხვა ტიპის მცირე ზომის მარტივი ტექსტების შექმნა ნაცნობ თემატიკაზე სხვადასხვა მიზნით.          მოსწავლე: ·         გადმოსცემს კონკრეტულ ფაქტს/მოვლენას საკუთარი ცხოვრებიდან; ·         ადგენს მარტივ დიალოგებს; ·         თანამიმდევრულობის დაცვით  გადმოსცემს ინფორმაციას; ·         თანამიმდევრულობის დაცვით გადმოსცემს ნაცნობი ტექსტის/ტექსტის ეპიზოდის შინაარსს; ·         თანამიმდევრულად აგებს თხრობას; ·         ცდილობს ახლად შესწავლილი სიტყვების, ფრაზების გამოყენებას (მაგ., საინფორმაციო ტექსტების შედგენისას).
გაკვეთილის მიზნები	მოსწავლემ შეძლოს ტექსტის  შინაარსის გაგება-გააზრება,  პერსონაჟების დახასიათება, მთავარი აზრის გამოყოფა. გამოხატოს ტექსტის მიმართ  თავისი დამოკიდებულება.   შეძლოს ტექსტის ირგვლივ დასმულ კითხვებზე პასუხის გაცემა, საკუთარი აზრის დასაბუთება.     იმუშაოს ბუკში, შეასრულოს კონკრეტული დავალება.
გამოყენებული მეთოდები	ვერბალური ახსნა, კითხვა-პასუხი, დემონსტრირების მეთოდი.
წინარე ცოდნა	მოსწავლეს შეუძლია ლიტერატურული ტექსტის კითხვა, გაგება, გააზრება, მითითებული ფრაგმენტის მოძიება, კითხვებზე პასუხის გაცემა.    შეუძლია კომპიუტერის ჩართვა-გამორთვა,  touch-pad-ის, კლავიატურის გამოყენება; საპრეზენტაციო ფორმატის ფაილში მარტივად მუშაობა (სლაიდშოუს რეჟიმის მართვა).
სასწავლო მასალა და ტექნიკური რესურსები	მე-3 კლასის ქართული ენის სახელმძღვანელო, ავტორები: ნ. გორდელაძე, თ. კუხიანიძე მოთხრობის დაბეჭდილი ტექსტები დაკარგული სიტყვებით  ყველა მოსწავლისათვის, დაფა, ცარცი, კალამი. პროგრამა PowerPoint_ში  დამზადებული დამხმარე ელექტრონული წიგნი. პროგრამა Word -ში დამზადებული დაბეჭდილი ელექტრონული სავარჯიშო „ააწყე ტექსტი“.  მასწავლებლის კომპიუტერი, უკაბელო ლოკალური ქსელი, როუტერი,  ბუკები, პროგრამა „კლასის მართვა“.
გაკვეთილის მსვლელობა	აქტივობა 1.  საორგანიზაციო საკითხები: გაკვეთილის მიზნისა და შეფასების რუბრიკის გაცნობა.    2 წთ. აქტივობა 2.  საშინაო დავალების შემოწმება: „ პატარა ბედუინის სიზმარი“.  დ. ჯავახიშვილის, თხრობით.     10 წთ. აქტივობა 3. ახალი მასალის ახსნა:„ორი მეგობარი“,(ეზოპეს იგავი). 15 წთ. 1.      მოსწავლეებს კლასის მართვის პროგრამით ბუკებში ვუჩვენებ ჩემს მიერ მომზადებულ ელექტრონულ წიგნს PowerPoint-ში „ორი მეგობარი“, ( ეზოპეს იგავი). მოსწავლეები წაიკითხავენ ტექსტს,  შეასრულებენ კონკრეტულ დავალებას. უპასუხებენ დასმულ კითხვებს: 1.      სად მიდიოდა ორი მეგობარი? 2.      რა შეემთხვათ მათ?  3.      როგორ მოიქცა ერთი მეგობარი? მეორე? 4.      რა ქნა დათვმა? როგორ გადაურჩნენ ისინი დათვს? 5.      რა არის ამ იგავის მთავარი სათქმელი? 6.       როგორი უნდა იყოს კარგი მეგობარი? აქტივობა 4.  სავარჯიშო „ჩასვი გამოტოვებული სიტყვები“ ____ 8 წთ.   მოსწავლეებს  სამუშაოდ დავურიგებ სავარჯიშოს, სადაც მოთხრობის სრული ტექსტი დანაწევრებულია. მოსწავლეები ინდივიდუალურად  აწყობენ ტექსტს, შემდეგ უზიარებენ მეწყვილეს და შეაქვთ შესწორებები. ბოლოს, შემოწმების მიზნით, ერთხელ კიდევ ხდება  მოთხრობის ტექსტის  წაკითხვა და შესრულებული სამუშაოს შემოწმება. აქტივობა 5.  რაფთ-ი:    5 წთ.    მოსწავლეებს  დავურიგებ  ფურცლებს და ვთხოვ შეასრულონ წერითი დავალება რაფთ ფორმატში, მათ უნდა მიწერონ წერილი მოთხრობის რომელიმე პერსონაჟს   (პირველ ან მეორე მეგობარს, დათვს), წერილში ახსნან, თუ რატომ მოისურვეს მათთვის მიეწერათ წერილი. დასრულებულ წერილებს მოსწავლეები  კითხულობენ და აფასებენ  ნაშრომებს. აქტივობა 6.  გაკვეთილის შეჯამება    2 წთ. ·         რომელი აქტივობა მოგეწონათ ყველაზე მეტად? ·         რა იყო საინტერესო დღევანდელ გაკვეთილზე? აქტივობა 7.  შეფასება    2 წთ.  შევაფასებ მოსწავლეებს განმავითარებელი შეფასებით, მივცემ რჩევებს და კომენტარებს ყველა მოსწავლეს. აქტივობა 8. საშინაო დავალება „ორი მეგობარი,“ (ეზოპეს იგავი).  თხრობით   1 წთ.
გაკვეთილზე გამოყენებული ელექტრონული (კომპიუტერული) პროგრამები და რესურსები	http://www.toondoo.com/___კომიქსი____“ორი მეგობარი’ PowerPoint-ში ჩემს მიერ აწყობილი ელექტრონული წიგნი: „ორი მეგობარი“, ეზოპეს იგავი. Word-ის ფურცელი დაბეჭდილი ტექსტით.
შეფასების საგანი (კრიტერიუმები)	მოსწავლე შეფასდება წინასწარ შედგენილი ცხრილის მიხედვით შემდეგი კრიტერიუმებით: ტექსტის კითხვა-ანალიზის მიხედვით, გაკვეთილზე ჩართულობა, ბუკში მუშაობა.
საჭირო რესურსები	ქართული ენის მე-3 კლასის სახელმძღვანელო, ავტორები ნ. გორდელაძე, თ. კუხიანიძე, მასწავლებლის კომპიუტერი,  როუტერი-კლასის მართვის პროგრამა, ბუკი, ინტერნეტი, დაფა, ცარცი, რვეული, კალამი.